Mchezaji tenisi raia wa Uingereza, Andy Murray anatarajia kucheza na Tennys Sandgren katika mzunguko wa kwanza wa michuano ya US Open.

Bingwa huyo mara tatu wa Grand Slam,Murray alishindwa kuirudisha nafasi yake ya kwanza katika viwango vya ubora duniani mapema mwanzo mwa wiki hii lakini pia akishindwa kuingia viwanjani tangu alivyofanya hivyo kwa mara ya mwisho katika michuano ya Wimbledon alipo cheza na Sam Querrey hatua ya nusu fainali na kupata majeraha.
Suluhu dhidi ya mmarekani, Sandgren ambaye yupo katika nafasi ya 104 duniani itatosha kumfanya Murray kuingia katika mzunguko wa pili wa michuano hiyo na kukutana na mchezaji Rogerio Dutra Silva au Florian Mayer.
By Hamza Fumo

Kocha Mkuu wa timu ya taifa ya Tanzania (Taifa Stars), Salum Mayanga ametangaza kikosi cha wachezaji 21 kwa ajili ya mchezo wa kirafiki dhidi ya timu ya taifa ya Botswana utakao pigwa Septemba 2 mwaka huu.

Wachezaji hao wa Taifa Stars wanatarajia kuingia kambini Agosti 27 siku ya Jumapili saa mbili usiku nakuanza mazoezi tarehe 28 ya mwezi huu tayari kwa maandalizi ya mchezo.
Kocha Mkuu wa timu hiyo, Salum Mayanga amesema “Tunategemea kuanza kambi siku ya keshotarehe 27 saa mbili usiku hapa hapa Dar es salaam na tunategemea kuwa na vijana 21 kambini ambao watafanya mazoezi sikua ya Jumatatu jioni na kumaliza mazoezi tarehe 1 na siku inayofuata ndiyo mchezo wetu na Botswana katika uwanja wa Uhuru”, amesema Mayanga.
Kwa upande wake Afisa Habari na Mawasiliano wa Shirikisho la Mpira wa Miguu Tanzania, Alfred Lucas amesema “Kutakuwa na mabadiliko ya ratiba ya ligi  kwa sababu tulitarajia zaidi kwamba tarehe za FIFA zisianze tarehe 28 tulitegemea zingeanza baadaye lakini wao wametuletea taarifa nafikiri ilikuwa wakati ule wa uchaguzi ambao kidogo wameturudisha nyuma tuliamini ingekuwa tarehe tano na kuendelea la kini wao wamerudisha tena nyuma”.

By Hamza Fumo

Msanii wa Bongo Flava, Matonya ameelezwa kushangazwa na WCB kutoa wimbo ‘Zilipendwa’ jina ambalo ameshalitumia katika ngoma yake.
Kupitia mtandao wa Instagram Matonya ametoa pongezi kwa kile kilichofanyika ila hajapendezwa na kitendo cha kutokupewa taarifa hadi ngoma hiyo kutoka kwani ana haki zake katika jina hilo.

Nduguzangu wasafi / Nawapongeza sana kwa kazi mzuri mnazo zifanya / Nilifurahi Sana mlichokifanya kwa saida karoli dadaetu/ mlimuita mkamshirikisha akawapa Baraka zake/ kwangu mlishindwa nini? Sina shida Ya Pesa nina shida Ya heshima cose najua dunia ni mapito/ kama mimi naibiwa haki yangu vipi wasanii wachanga? Basata mkowapi? Wadau Wa muziki mkowapi? Usipo ziba ufa tajenga kuta!! Khaaa tena Bila wogalakini haki itafata mkondo wake.

Hapo jana wasanii wote wa WCB yaani Diamond Platnumz, Rayvanny, Rich Mavoko, Queen Darleen, Lava Lava, Harmonize na Maromboso aliungana kwa pamoja na kutoa wimbo ‘Zilipendwa’ ambao kwa sasa umekuwa gumzo kila kona.
By Peter Akaro

Mabingwa  wa michuano ya Kombe la Shirikisho (Azam Sports Federation Cup) na Ngao ya Jamii, Simba SC  imechomoza na ushindi mnono wa mabao 7-0 mbele ya Ruvu Shooting mchezo uliyopigwa katika dimba la Uwanja wa Uhuru.

Katika mchezo huo Simba ilitakata katika dakika 45 za kipindi cha kwanza na kupelekea kuchomoza na mabao 5-0 katika kipindi hicho ambapo mchezaji kipenzi cha mashabiki wa wekundu wa msimbazi Simba mganda Emmanuel Arnold Okwi akionyesha maajabu ya kucheka na nyavu.
Magoli ya Simba yamefungwa na Emanuel Okwi katika dakika ya 21 , 22 na 35 wakati bao la nne likifungwa na Shiza Ramadhani Kichuya kunako dakika ya 42 ya mchezo wakati la mwisho ambalo ni la tano katika kipindi cha kwanza likifungwa na mchezaji Juma Liuzio kunako dadika ya 46 kabla ya muamuzi kupiga kipyenga kuashiria mapumziko.
Katika kipindi cha pili cha mchezo huo  wekundu wa msimbazi Simba  SC ikajipatia mabao mawili yaliyofungwa na  mchezaji wao Okwi pamoja na Erasto Nyoni hivyo kuufanya mchezo huo kumalizika kwa jumla ya mabao 7-0.
By Hamza Fumo

Msanii wa Bongo Flava, Chin Bees chini ya Wanene Entertainment ameachia video ya ngoma yake mpya ‘Kababaye’,  Video ya ngoma hii imeongozwa na Destro.
By Peter Akaro